منتدى ست ستات
اهلا بيكى يا ست الستات فى بيتك نتمنى ان تنضمى الينا وتشاركينا بافكارك وارائك فى منتدى ست ستات

منتدى ست ستات

مطبخ حواء | حلويات | فطائر | كروشيه | لاسيه | خياطه | غرف نوم | انتريهات | صالونات | مطابخ | حمامات | ستائر | مفروشات | ديكور | ازياء | فساتين | قمصان نوم | عبايات | مكياج | تسريحات شعر | ميك اب | عناية بالبشرة | تخسيس | رشاقة | لانجيرى |
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 جمبري بالخلطة بالطريقة المصرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام العيال



انثى عدد المساهمات : 318
تاريخ التسجيل : 04/09/2011

مُساهمةموضوع: جمبري بالخلطة بالطريقة المصرية   السبت سبتمبر 24, 2011 4:34 am

صينية جمبرى على الطريقة المصرية الجميلة . صينية اليوم جمبرى بالخلطة ونبدا فى الموضوع

الطريقة واخداها من شيف شربيني فى عالم المطبخ

ربنا يجعله في ميزان حسناته و الله

رغم اني ضد اني اعمل المأكولات البحرية في البيت الا ان علشان خاطر عيون منتدى ست ستات هنعملوه و نزفروا البيت
(علي رأي الاسكندرانية)
عايزة سبراي معطر لو سمحتي
و حد يجي يغسل المواعين بعد الاكل
بهرج طبعا و انا اللي هتدبس فيهم كالعادة

نبدأ بأه يا ستي

المقادير :
كيلو جمبري وسط كبير لو عايزة جامبو مافيش مانع يعني
(اهم حاجة انه يكون حاجة محترمة كده مش اللي بيصتادوا بيه ده)
و فرصة الجمبري دلؤتي رخيص
(محلات السمك بتبيع الجامبو السويسي ب40 جنيه للكيلو يا بلاش)
(علشان الشعب ينبسط و ياكل)
بصلة كبيرة مقطعة معكبات صغيييرة
طماطم كبيرة مقطعة مكعبات صغييييرة
فلفل رومي كبيرة مقطعة مكعبات صغيييرة
ملعقة صغيرة ثوم مهروس
ملح
فلفل
نصف ملعقة صغيرة كمون
اقل من نصف ملعقة صغيرة زعتر
اقل من ربع كوب خل
عصير ليمونة
شوية زيت

الطريقة:
انا هقولكم بالمرة علي طريقة تنضيف الجمبري علشان كنت بضًيًع نصف الجمبرياية في التنضي
المفروض انت بتقولي للراجل ينظفلك ضهر الجمبري
طيب لو ما نظفهوش
زي الشاطرة كده تجيي الجمبري من ظهره و بمقص صغير تقصي القشر من الراس للذيل
(ماتقصيش الذيل طبعا)


و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه
(طبعا هو مالوش عمود فقري بس انا بحاول اوضحلك الصورة)


هتلاقي زي عرق كده هو ده امعاء الجمبري

شيلية طبعا

عايزة افكركم اني ماشلتش الراس
(علشان الست اللي في الصور شالتها)
هتلاقي في راس الجمبري مادة كده لونها اصفر او برتقالي
اوووعي تشيليها
بيقولوا عليها البطروخ بتاع الجمبري و هي اللي فيها الفايدة كلها
(اصل انا زي الباشا كنت افضل ادعك فيها لحد ما اشلها تماما)
(و جوزى كان بيسألني هو فين البطروخ بتاع الجمبري كنت اقوله اللي شكله برتقالي ده يع انا شيلته)
(فكان بيلطم مني)

بس كده خلاص
و تنقعي الجمبري في ماية فيها دقيق و ملح و ليمون
(بس كتري الليمون)
و تسيبيه شوي علشان الزفارة
(10 دقائق مثلا)

انا كده ماقشرتش الجمبري
الصينية ديه بتكون احلي كده
طبعا ممكن تستخدمي المقشر مافيش مشكلة
بس انا بقولك انا بعمل ايه

المهم

نحط كل الحاجات الحلوة اللي عملناها في المقادير ديه مع الجمبري في صينية او طاسة كبيرة و نقلب كويس
و نحطها علي البوتاجاز من فوق
(مش محتاج فرن لانه مش بيخد وقت)
و تغطيها و كل فترة تقلبي
هينزل مايته كلها و بعدين يشربها و كده خلاص نكون خلصنا
التسوية مابتكملش ربع ساعة
ممكن طبعا يتاكل كده من الصينية
بس انا بحب اعمل جنبه رز ابيض
و احط منه علي الرز و شوية صوص و الرز يكون طعمه تححححفة
ممكن من غير رز خااالص و جنبه سلطات و خلاص
و بالهنا و الشفا


مواضيع ذات صلة:
المقلوبة بالصور من منتدى ست ستات

جمبري بالخلطة بالطريقة المصرية
البط بالفريك والفراخ المحشية رز
كبسة سعودية طريقتها بالفيديو
كبسة سعودية طريقتها بالفيديو
اكلات سورية رائعة بالفيديو





متنسيش تضغطى على رابط التنشيط المرسل على ايميلك


عدل سابقا من قبل ام العيال في السبت يونيو 16, 2012 3:47 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام العيال



انثى عدد المساهمات : 318
تاريخ التسجيل : 04/09/2011

مُساهمةموضوع: رد: جمبري بالخلطة بالطريقة المصرية   الجمعة أبريل 13, 2012 8:32 pm

اكلة جميلة لكن للاسف الجمبرى سعرة 70 جنية مصرى الان





متنسيش تضغطى على رابط التنشيط المرسل على ايميلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جمبري بالخلطة بالطريقة المصرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ست ستات :: منتدى مطبخ حواء :: اطباق رئيسية-
انتقل الى: